Магний ағзадағы төртінші микронутриент болып табылады және 300-ден астам биохимиялық реакцияларға қатысады, соның ішінде қуат өндіруге, жүрек денсаулығына және жақсы көңіл-күйге әсерін тигізеді. Магний деңгейінің төмендігінің белгілері мыналарды қамтуы мүмкін: қозу және мазасыздану, бұлшықет спазмы және әлсіздік, жүрек ырғағының бұзылуы,
ұйқының бұзылуы немесе ұйқысыздық, мазасыз аяқ синдромы, тітіркену.
Магний жүйке жүйесі мен мидың қалыпты жұмысын сақтауда маңызды рөл атқарады. Ол эмоционалдық күйзеліс пен стресс кезінде жүйке жүйесінің жоғары бөліктерінің күйін қалыпқа келтіруге әсерін тигізеді. Тыныштандыратын нейротрансмиттер болып табылатын гамма-аминобутир қышқылының синтезіне қатысады. Магний, сонымен қатар, серотониннің және басқа нейротрансмиттерлердің сигналын модуляциялай алады. Магнийді жеткілікті қабылдау көңіл-күй мен ұйқыны жақсартады.
Магний бұлшықеттердің қалыпты жиырылуына және босаңсуына жауап береді, қалыпты жүйке-бұлшықет қозғыштығын сақтайды және бұлшықет кернеуін төмендетеді. Магний жетіспеушілігінің салдарынан бұлшықеттерде кальций мен натрий жиналады, бұл олардың спазмын тудырады. Түнде немесе спорттық жаттығулар кезінде бұлшықет спазмы магний жетіспеушілігінің айқын белгісі болып табылады.
Магний қан тамырларының тегіс бұлшықеттерінің босаңсуына көмектеседі және перифериялық тамырлардың кедергісін төмендететіп, жүрек-қан тамырлары жүйесі мен қан ағынының сау болуына әсер ететін бірқалыпты эндотелий функциясына ықпал етеді. Қалыпты жағдайдағы қан қысымының деңгейін сақтауға көмектеседі. Магний тотығу стрессінен қорғайды.
Магний кальцийдің тасымалдануын және сіңуін реттеуге көмектеседі. Кальцитонин секрециясын ынталандыру арқылы кальцийдің сүйектерге жеткізілуін қамтамасыз ете отырып, сүйек пен тістердің оңтайлы минералдануына ықпал етеді. Магний, АТФ-мен бірге жасушалық энергияның бөлінуін қамтамасыз етеді.
Өнімнің құрамы туралы ақпарат
| Құрамы | Белсенді заттар | 1 көпіршікті таблеткада | %ҰТТ* |
| Магний карбонаты | Магний | 300 мг | 75 |
* ҰТТ = ұсынылатын тәуліктік тұтыну деңгейі (КО ТР 022/2011, 2-қосымша)
Құрамы: лимон қышқылы (қышқылдықты реттегіш), магний карбонаты (магний), натрий гидрокарбонаты (қышқылдықты реттегіш), сорбитол (тасымалдаушы), қызылша концентраты (бояғыш), алма қышқылы (қышқылдықты реттегіш), апельсин хош иісі, сукралоза (тәттілендіргіш), полиэтиленгликоль (тасымалдаушы), лимон дәмі, рибофлавин (бояғыш). Құрамында тәттілендіргіш бар. Шамадан тыс тұтыну іш жүргізетін әсерге әкелуі мүмкін.
Сипаттамасы:
Ашық-қызғылт-тоқсарыдан қою-қызғылт-тоқсарыға дейін түсті домалақ қатты көпіршікті таблеткалар, жуықтама салмағы 4 г ± 5%.
Қолдану аясы:
Жүйке жəне бұлшықет жүйесінің қалыпты жұмыс істеуіне, энергия алмасуының, электролит балансының жəне белгілі қызмет атқаратын ақуыз синтезінің қалыпқа келуіне ықпал етеді. Жүректамыр жəне сүйек жүйелерінің сау болуына ықпал етеді.
Қолдану бойынша ұсынымдар:
Ересектерге 1 стакан суда (200 мл) ерітіп, күніне 1 таблеткадан қабылдау ұсынылады.
Қолдануға болмайтын жағдайлар:
Өнім компоненттеріне жеке төзімсіздік.
Жағымсыз әсерлері:
Асқазан-ішек жолындағы ыңғайсыздық сияқты жеңіл жағымсыз реакциялар пайда болуы мүмкін.
Басқа өнімдермен өзара әрекеттесу:
Жүрек жеткіліксіздігін және жүрек аритмиясын емдеу үшін қолданылатын тетрациклин мен
хинолонды антибиотиктермен және дигоксинмен бір мезгілде қолданғанда сақ болу керек.
Ерекше сақтық шаралары:
Егер сізде ингредиенттердің кез келгеніне жоғары сезімталдық немесе аллергия болса, сіз дәрі
қабылдап жатсаңыз, жүкті немесе бала емізетін болсаңыз, қолданар алдында дәрігермен кеңесіңіз.
Сақтау шарттары:
Құрғақ және қараңғы жерде 0-25°C температурада сақтау керек.