• ПАКРАН® (мүкжидек жемісінің сығындысы) құрамында уротелийге бактериялардың уропатогендік штамдарының қосылуын тежейтін, сонымен бірге колонизацияны нашарлататын және зәр шығару жолдарының қайталанатын инфекцияларының қаупін төмендететін проантоцианидиндер бар.
• D-маннозаның уропротективті қасиеттері зәр шығару жүйесі жағдайында зәр шығару жолдарының уротелийінде қорғаныс қабатын құру және бактериялардың адгезиясын бұзу арқылы жүзеге асырылады. D-манноза ПАКРАННЫҢ® белсенділігін күшейтеді және зәр шығару жолдарының инфекцияларында қолданылады.
• Толғақшөп шөбінің сығындысында диуретикалық және антисептикалық әсері бар ащы гликозидтер, алкалоид генцианин, аскорбин және олеанол қышқылдары, эфир майы, флавоноидтар бар.
• Сүйментамыр тамырының сығындысында диуретикалық және антисептикалық әсері бар биологиялық белсенді қосылыстар кешені бар және диуретикалық бұзылуларды азайтуға ықпал етеді.
• Розмарин жапырағының сығындысында розмарицин алкалоиды, урсол және розмарин қышқылдары, илік заттектер, дәрумендер мен минералдар бар. Розмарин сығындысы күшті антиоксидантты және сергітетін әсерге ие.

Өнімнің құрамы туралы ақпарат

Құрамы: мальтодекстрин (тасымалдаушы), микрокристалды целлюлоза (эмульгатор), D-манноза, ПАКРАН® (мүкжидек жемісінің сығындысы), сүйментамыр тамырының сығындысы, толғақшөп шөбінің сығындысы, розмарин жапырағының сығындысы, поливинилпирролидон (тұрақтандырғыш), май қышқылдарының магний тұздары (эмульгатор), кремнийдің қостотығы (нығыздалуға қарсы агент).

100 г өнімге тағамдық құндылығы: ақуыздар – 0.25 г, майлар – 0.31 г, көмірсулар – 68.3 г.

100 г өнімге арналған энергетикалық құндылығы: 277 ккал/ 1159 кДж.

Сипаттамасы:

Ашық қызғылттан қызғылт-күлгінге дейін ұзартылған таблеткалар.

Қолдану аясы:

Бүйрек, несепағар және қуық қызметін қалыпқа келтіру үшін.

Зәр шығару жолдарының инфекцияларының өршуі және бүйрек тастарының пайда болу қаупінің алдын алу үшін.

Қолдану бойынша ұсыныстар:

Ересектерге тәулігіне 2 рет 1 таблеткадан.

Қолдануға болмайтын жағдайлар:

Өнім компоненттеріне жеке төзбеушілік.

Айрықша нұсқаулар:

Ұсынылатын тәуліктік дозадан асырмай қабылдаңыз. Балалардың қолы жетпейтін жерде сақтаңыз.

Сақтау шарттары:

25°C аспайтын температурада сақтаңыз.

Жарамдылық мерзімі:

3 жыл

Тағамға биологиялық белсенді қоспа. Дәрі емес.

Өндіруші: Kampotu İlaç Gıda Sanayi ve Ticaret A.Ş.

Factory: İAYOSB Aydınlı Mah. Gazi Bulvarı No:50/A, 34953 Тузла/Стамбул, Түркия.